Энэ блогоос: | Үүцлэх | өөр блог » |
Блог үүсгэх | Нэвтрэх |
Хайраар учирч аз жаргалыг амтлан, сайхан хайраар зүрхээ гоёон яваа бүх залуустаа нэгэн сайхан дууг зориулъя.
Учрал баярын хорвоод намайг хайрлах гэж хүссээр, хайсаар учирч амжаагүй хүлээн байгаа үл таних залуу чамд болон бид хоёр шиг учирч амжаагүй бүх хосуудад ч бас зориулж байгаа юм шүү.
Эргэлдээд л... эргэлдээд л... энд нэг тэнд нэг бууж эргэлдээд л... Өдөржин л эргэлдэж байна даа. Эргэлдэж эргэлдэж жаахан амс хийх боломж олдоход нүдээ аниад хэсэг суулаа.
...Ээ бурхан минь ээжийн туулаад ирсэн их гэрийн эзэгтэйн амьдрал яасан хүчир вэ? Энийг ч нэг угааж, тэрийг ч нэг цэвэрлэнэ. Эндээс нэг нь ам цангав гэнэ, тэндээс ч нэг нь гэдэс өлсөв гэнэ. Цангасан аманд ундаа, өлссөн гэдсэнд хоол өгнө. Цангаагаа тайлсан ам, өлсөхөө байсан гэдэсний эзэд хэсэг чимээгүй. Гэвч төд удалгүй энэ намайг ингэлээ, тэр намайг тэглээ гээд ам өрсөн хов зөөнө. Эвээр учирлах гэж үзнэ эс бөгөөс сануулга өгч дуугаа өндөрсгөнө, бүлтгэнэх нүдийг хараад сэтгэл өвдөнө, би ч өөрөө ийм явсан гээд дуу намсана. Миний дуу намасч тэдний дуу өндөрсөнө. Ай хүүхэд гэж зүггүй ч юм даа...
Хайранд нь дэлхий сөгдөж байдаг
Харцанд нь хорвоо уярч байдаг
Дууны сайхан нь бүүвэй байдаг
Дундрашгүй сэтгэлийн хайлан байдаг
Энгэрээс нь ундрах хайранд нь
Энэ ертөнц өлгийдүүлж байдаг
Эгэлгүй сэтгэлийнх үзүүр бүхэнд
Энэрэхүй буяны нигүүлсэл байдаг
Эгэл бүсгүй минь чи хайрын дээд
Энэхэн амраг минь чи ханийн дээд
Эгч минь та хүндлэлийн минь дээд
Ээж минь та хүний дээд билээ.
Дэргэд чинь байж зовлонг чинь хуваалцаагүйд уучлаарай
Дэрвэгэр сормуусыг чинь нулимсаар бөхийлгөж
Удахгүй болох шинэ жилийн мэндийг Батаа123 болон Эрхцас нарын зүгээс та бүгддээ хүргэж энэхүү сайхан дууг зориулъя.
Банжигчид минь бүгдээрээ хамт Шинэ жилээ сайхан тэмдэглээрэй.
Шувуу нисэн одох мэт
Кона юки буюу " Цасан будрага " дууг сурахсан гэж маш их хүсдэг, одоогоор чадан ядан дагаж дуулдаг болсон.
Харин " Нэг литр нулимс " гэдэг энэ киног нь үзэж амжаагүй л байнаа, хүнд өвчин туссан охины бодит амьдралаас сэдэвлэн бүтээсэн кино бөгөөд нилээн хүнд талдаа драм болсон гэж найз минь ярьсан юм, үзэх сонирхол маш их байгаа, нэг л өдөр цаг зав гарган үзнэ гэдэгтээ итгэж байна.
цас газарт буугаад л ус болж буй учир, авахад түвэгтэй байна, дээр нь өөрийн аппаратаа гэртээ орхичихсон ажлынхаараа авсан нэг иймэрхүү л байна....
Алла аниа гоё дуулдаг шүү, дууг нь сонсохоор өвлийн үдэш, шинэ жил, цас л санаанд ордог юм. Магадгүй бага байхад шинэ жилээр ихэвчлэн явдаг байсан болоод тэр байх.
Монгол хүн бүрийн мэдэх энэхүү сайхан дууг та бүхэндээ хүргэж байна.
Энэ дууг сонсох тоолондоо би ганцаараа биш гэдгээ мэдэрдэг, хаа нэгтээ бодолд дарагдан суугаа хэн нэгэнд та ганцаараа биш шүү гэдгийг хэлье. Гунигтай хэдий ч гоё дуу.
 |